ആലപ്പുഴ: നെഹ്‌റു ട്രോഫി ജലമേളയുടെ ഭാഗ്യചിഹ്നം നിശ്ചയിക്കാന്‍ സംസ്ഥാനാടിസ്ഥാനത്തില്‍ നടത്തുന്ന മത്സരത്തിലേക്കുള്ള എന്‍ട്രികള്‍ നല്‍കാനുള്ള അവസാന തീയതി നീട്ടി.
എന്‍ട്രികള്‍ ജൂലൈ എട്ടിന് വൈകിട്ട് അഞ്ചുവരെ കണ്‍വീനര്‍, നെഹ്‌റു ട്രോഫി പബ്ലിസിറ്റി കമ്മിറ്റി, ജില്ലാ ഇന്‍ഫര്‍മേഷന്‍ ഓഫീസ്, സിവില്‍ സ്റ്റേഷന്‍, ആലപ്പുഴ 688 001 എന്ന വിലാസത്തില്‍ സ്വീകരിക്കും.
എ4 സൈസ് ഡ്രോയിങ് പേപ്പറില്‍ മള്‍ട്ടി കളറിലാണ് ഭാഗ്യചിഹ്നം തയ്യാറാക്കേത്. സൃഷ്ടികള്‍ മൗലികമായിരിക്കണം. എന്‍ട്രികള്‍ അയയ്ക്കുന്ന കവറില്‍ '66ാമത് നെഹ്‌റു ട്രോഫി ജലമേള ഭാഗ്യചിഹ്നമത്സരം' എന്നു രേഖപ്പെടുത്തിയിരിക്കണം.
തിരഞ്ഞെടുക്കപ്പെടുന്ന രചനയ്ക്ക് 5,001 രൂപ പുരസ്‌കാരം നല്‍കും.
കൂടുതല്‍ വിവരത്തിന് 0477 2251349 എന്ന ഫോണില്‍ ബന്ധപ്പെടുക.