മാന്നാര്‍: മികച്ച അങ്കണവാടി അധ്യാപികക്കുള്ള സംസ്ഥാന അവാര്‍ഡ് ലഭിച്ച മാന്നാര്‍ പഞ്ചായത്ത് കുരട്ടിശ്ശേരി 156-ാം നമ്പര്‍ അങ്കണവാടി അധ്യാപിക ചന്ദ്രിക ടീച്ചറെ മാന്നാര്‍ മണ്ഡലം കോണ്‍ഗ്രസ് കമ്മറ്റി അനുമോദിച്ചു.
അനുമോദന സമ്മേളനം കെ.പി.സി.സി സെക്രട്ടറി മാന്നാര്‍ അബ്ദുല്‍ലത്തീഫ് ഉദ്ഘാടനം ചെയ്തു. മണ്ഡലം പ്രസിഡന്റ് ഷാജി കോവുമ്പുറത്ത് അധ്യക്ഷനായി.
പഞ്ചായത്ത് പ്രസിഡന്റ് പ്രമോദ് കണ്ണാടിശ്ശേരില്‍, കെ. ബാലസുന്ദരപണിക്കര്‍, പ്രകാശ് മൂലയില്‍, പി.ബി. സലാം, കല്യാണകൃഷ്ണന്‍, അനില്‍ മാന്തറ, അംബി അന്‍സാരി തുടങ്ങിയവര്‍ സംസാരിച്ചു.