ജനീവ: കൊവിഡ് മൂലമുണ്ടായ സാമ്പത്തിക പ്രതിസന്ധി ദശലക്ഷക്കണക്കിനു കുട്ടികളെ ബാലവേലയിലേക്ക് തള്ളിവിടുമെന്ന് യു.എന്‍. 2000ത്തിനു ശേഷം ഇതാദ്യമായി ബാലവേല 94 ദശലക്ഷമായി കുറഞ്ഞിട്ടുണ്ടെന്നും എന്നാല്‍ കൊവിഡ് കാര്യങ്ങള്‍ ദുഷ്‌കരമാക്കുമെന്നും യൂനിസെഫും അന്താരാഷ്ട്ര തൊഴില്‍ സംഘടന(ഐ.എല്‍.ഒ)യും സംയുക്ത പ്രസ്താവനയില്‍ പറഞ്ഞു.
കൊവിഡ് സൃഷ്ടിച്ച സാമ്പത്തിക പ്രതിസന്ധി പട്ടിണി വര്‍ധിക്കാനിടയാക്കുമെന്നും യു.എന്‍ മുന്നറിയിപ്പ് നല്‍കുന്നു. കൊവിഡ് കുടുംബങ്ങളുടെ വരുമാനം ഇല്ലാതാക്കുന്നതോടെ പലരും കുട്ടികളെ ജോലിക്ക് വിടുന്ന അവസ്ഥ വരുമെന്ന് ഐ.എല്‍.ഒ മേധാവി ഗേ റൈഡര്‍ പറഞ്ഞു.