തിരുവനന്തപുരം: ആരാധനാലയങ്ങള്‍ തുറന്നതിനാലും എന്‍ട്രന്‍സ് പരീക്ഷകള്‍ നടക്കുന്നതിനാലും സംസ്ഥാനത്ത് ഞായറാഴ്ചയിലെ സമ്പൂര്‍ണ ലോക്ക്ഡൗണില്‍ ഇളവ്. ജില്ലാ കലക്ടര്‍മാര്‍ക്കും ജില്ലാ പൊലിസ് മേധാവിമാര്‍ക്കുമാണ് സര്‍ക്കാര്‍ നിര്‍ദ്ദേശം നല്‍കിയിരിക്കുന്നത്. ഈ മാസം എട്ട് മുതലാണ് ആരാധനാലയങ്ങള്‍ തുറന്നത്. വിവിധ പ്രവേശന പരീക്ഷകള്‍ നടക്കാനിരിക്കുന്നതിനാലുമാണ് സര്‍ക്കാര്‍ നിലപാട് മാറ്റിയത്.

ഞായറാഴ്ച പ്രാര്‍ത്ഥനയ്ക്ക് വീട്ടില്‍ നിന്ന് ആരാധനാലയത്തിലേക്കുപോകാം. തിരിച്ചുവരാം. പരീക്ഷകള്‍ നടത്തുകയും പരീക്ഷകളുടെ നടത്തിപ്പിനുള്ള ഒരുക്കങ്ങള്‍ ചെയ്യുകയുമാവാം. വിദ്യാര്‍ഥികള്‍ പരീക്ഷക്കായി യാത്ര ചെയ്യുമ്പോള്‍ അഡ്മിഷന്‍ കാര്‍ഡ് യാത്രാ പാസായി ഉപയോഗിക്കാം. മെഡിക്കല്‍ കോളേജ്, ഡെന്റല്‍ കോളേജ് എന്നിവിടങ്ങളിലും മറ്റ് വിദ്യാഭ്യാസ സ്ഥാപനത്തിലും അഡ്മിഷന്‍ കിട്ടിയ വിദ്യാര്‍ഥികള്‍ക്ക് പ്രവേശനത്തിനായി പോകാമെന്നും സര്‍ക്കാറിന്റെ പുതിയ നിര്‍ദ്ദേശങ്ങളില്‍ പറയുന്നു.