കോഴിക്കോട്: രാഹുല്‍ മത്സരിക്കുമെന്ന് പറഞ്ഞിട്ടില്ലെന്നും, മത്സരിക്കണമെന്ന ആഗ്രഹം മാത്രമാണ് പങ്കുവെച്ചതെന്നും ഉമ്മന്‍ചാണ്ടി.

രാഹുല്‍ ഗാന്ധി വയനാട്ടില്‍ മത്സരിക്കാന്‍ എത്തുമെന്ന് ആദ്യം മാധ്യമങ്ങളെ അറിയിച്ച ഉമ്മന്‍ ചാണ്ടിയുടെ ഇന്നലത്തെ പ്രതികരണം ഇങ്ങനെയായിരുന്നു:'രാഹുല്‍ മത്സരിക്കുമെന്ന് പറഞ്ഞിട്ടില്ല.

തമിഴ്‌നാട്ടിലും കര്‍ണാടകയിലും രാഹുല്‍ മത്സരിക്കണമെന്ന ആവശ്യമുയര്‍ന്നപ്പോള്‍ കേരളത്തിലും മത്സരിക്കണമെന്ന ആവശ്യം മുന്നോട്ടു വെച്ചെന്നേയുള്ളൂ. മത്സരിക്കുമെന്ന സൂചന നല്‍കാന്‍ രാഹുലിന് മാത്രമേ കഴിയൂ. രാഹുല്‍ വയനാട്ടില്‍ എത്തുമെന്നും അദ്ദേഹത്തിനായി കോഴിക്കോട് ഡി.സി.സി പ്രസിഡന്റ് കൂടിയായ ടി. സിദ്ദിഖ് സീറ്റ്് ഒഴിഞ്ഞുകൊടുക്കുമെന്നുമായിരുന്നു എ.ഐ.സി.സി ജനറല്‍ സെക്രട്ടറി കൂടിയായ ഉമ്മന്‍ ചാണ്ടിയുടെ ആദ്യ പ്രതികരണം.