കാക്കനാട്: എറണാകുളം ലോക്‌സഭാ മണ്ഡലത്തില്‍ സരിത എസ്. നായര്‍ മത്സരിക്കും. ആരോപണ വിധേയരായവരെ മത്സരിപ്പിക്കുന്നവര്‍ക്കെതിരേയാണ് തന്റെ പോരാട്ടമെന്ന് സരിത മാധ്യമങ്ങളോട് പറഞ്ഞു.

ഏപ്രില്‍ നാലിന് നാമനിര്‍ദേശപത്രിക സമര്‍പ്പിക്കുമെന്ന് പത്രിക വാങ്ങാന്‍ എറണാകുളം കലക്ടറേറ്റില്‍ എത്തിയ സരിത പറഞ്ഞു. മിക്ക രാഷ്ട്രീയപ്പാര്‍ട്ടികളും താന്‍ തട്ടിപ്പു കേസിലെ പ്രതിയെന്നാണ് ആരോപിക്കുന്നത്. എം.പി ആയി പാര്‍ലമെന്റിനകത്ത് പോയിരിക്കാനുള്ള ആഗ്രഹം കൊണ്ടല്ല മത്സരിക്കുന്നത്. ഏതെങ്കിലും പാര്‍ട്ടിയുടെ പിന്തുണയുണ്ടെങ്കില്‍ ഏതു ക്രിമിനലിനും രാജ്യം ഭരിക്കുന്ന ആളായി ഇരിക്കാന്‍ കഴിയുമെന്ന സന്ദേശം ജനങ്ങള്‍ക്ക് നല്‍കുന്നതിനു വേണ്ടിയാണ് താന്‍ മത്സരിക്കുന്നതെന്നും സരിത പറഞ്ഞു.