പാവറട്ടി: വിളക്കാട്ടു പാടം ദേവസൂര്യ കലാവേദി പബ്ലിക് ലൈബ്രറിയുടെ നേതൃത്വത്തില്‍ തിരുവെങ്കിടം അമ്പലനടയില്‍ നിന്നും ആരംഭിക്കുന്ന പാവറട്ടി പഞ്ചായത്തിനെയും ഗുരുവായുര്‍ നഗരസഭയേയും ബന്ധിപ്പിക്കുന്ന പുതിയ റോഡ് സഞ്ചാരയോഗ്യമാക്കുന്ന പ്രവര്‍ത്തനം തുടങ്ങി.
പാവറട്ടി പഞ്ചായത്ത് മൂന്നാം വാര്‍ഡ് മെമ്പര്‍ രവി ചെറാട്ടി, സരസന്‍ വിളക്കാട്ടുപാടം, വി.ആര്‍ മോഹനന്‍, നാരായണന്‍ പൊന്നരശേരി എന്നിവരുടെ സാങ്കേതിക സഹായത്തോടെ ദേവസൂര്യ പ്രസിഡന്റ് കെ.സി അഭിലാഷ്, സെക്രട്ടറി ടി.കെ സുനില്‍, എം.ജി ഗോകുല്‍, റെജി വിളക്കാട്ട്പാടം, ടി.കെ സുരേഷ് നിര്‍മാണ പ്രവര്‍ത്തനങ്ങള്‍ക്ക് നേതൃത്വം നല്‍കുന്നു. സി.എന്‍ ഹരി, സി.എഫ് ജോര്‍ജ്ജ്, സി.എഫ് ഫ്രാങ്കോ റോഡിനുള്ള സ്ഥലം വിട്ടു നല്‍കി. നാനൂറ്റമ്പത് മീറ്ററോളം നീളത്തിലുള്ള തിരുവെങ്കിടം ദേവസൂര്യ സെക്കന്റ് സ്ട്രീറ്റിന്റെ സ്ഥലം സറണ്ടര്‍ പ്രവര്‍ത്തികള്‍ പുരോഗമിച്ചു വരുന്നു.