റിയാദ്: യമനിലെ മാരിബ് പ്രവിശ്യ ലക്ഷ്യമാക്കി വിടാത്ത വിഭാഗം അയച്ച രണ്ടു ബാലിസ്റ്റിക്ക് മിസൈലുകള്‍ ആകാശത്തുവച്ചുതന്നെ തകര്‍ത്തതായി അറബ് സഖ്യസേന പറഞ്ഞു.

തുടര്‍ച്ചയായ മൂന്നാം ദിവസമാണ് ഹൂതികളില്‍ നിന്നു ബാലിസ്റ്റിക് മിസൈല്‍ ആക്രമണം നേരിടുന്നത്. കൂടാതെ സേന ഖാലിദ് ബിന്‍ വലീദ് ക്യാംപിനു സമീപമുള്ള ഹൂതികളുടെ വെയര്‍ ഹൗസ് തകര്‍ത്തതായും നിരവധി സൈനിക വാഹനങ്ങള്‍ കണ്ടുകെട്ടിയതായും യമന്‍ സര്‍ക്കാര്‍ സൈന്യം പറഞ്ഞു. ക്യാമ്പ് പിടിച്ചെടുക്കാന്‍ ഇപ്പോഴും ശക്തമായ പോരാട്ടമാണ് ഇരു വിഭാഗവും നടത്തുന്നത്.

കഴിഞ്ഞ ദിവസം തകര്‍ന്ന ഹെലികോപ്റ്ററില്‍ ഉണ്ടായിരുന്ന സഊദി സൈനികരുടെയും നാല് ഉന്നത ഉദ്യോഗസ്ഥരുടെയും പേര് വിവരങ്ങളും ചിത്രങ്ങളും സഊദി വാര്‍ത്താ ഏജന്‍സി പുറത്തു വിട്ടു. സംഭവത്തില്‍ ശക്തമായ അന്വേഷണം നടക്കുന്നതായി സഖ്യസേന പറഞ്ഞു.