പെരിങ്ങമല: പെരിങ്ങമല മാലിന്യപ്ലാന്റ് ജനകീയ സമരം മൂന്നാം ദിവസം. ബൗണ്ഡര്‍ പ്ലസന്റ് വിഷസിലെ കുരുന്നുകള്‍ സമരക്കാര്‍ക്ക് ഐക്യദാര്‍ഡ്യം പ്രഖ്യാപിക്കാന്‍ സമരപന്തലില്‍ എത്തി ചേര്‍ന്നു.
വിദ്യാര്‍ഥികള്‍ മാലിന്യപ്ലാന്റ് വിരുദ്ധ പ്രതിജ്ഞ ചൊല്ലി. ശുദ്ധമായ വായുവും ജലവും ഞങ്ങള്‍ക്കും വേണമെന്നാവശ്യപ്പെട്ട് മുദ്രാവാക്യം മുഴക്കി സമരക്കാരോടപ്പം ഇരുന്നു. സ്‌കൂള്‍ ലീഡര്‍ ഹന്ന അസ്മിനും വൈഷ്ണവും ചേര്‍ന്ന് വിദ്യാര്‍ഥികളുടെ ഒപ്പ് സമരാംഗം ഒരുപറ സരസ്വതിയ്ക്ക് കൈമാറി.
വാര്‍ഡ് മെംബര്‍ സജീന യഹിയ, സമരനായിക ശ്രീലതാ ശിവാനന്ദന്‍, ആക്ഷന്‍ കൗണ്‍സില്‍ ഭാരവാഹികളായ അന്‍സാരി കൊച്ചുവിള, മോഹനന്‍ പന്നിയോട്ട്കടവ് എന്നിവര്‍ വിദ്യാര്‍ഥികളെ സ്വീകരിച്ചു.