പാലക്കാട്: മനുഷ്യന്റെ ജീവന് വരെ അപകടമായതും കുടുംബാന്തരീക്ഷം തകര്‍ത്ത് സമാധാനം നഷ്ടപ്പെടുത്തുന്നതും റോഡപകടങ്ങള്‍ക്ക് മുഖ്യകാരണവുമായ മദ്യം വിറ്റ കാശ് കൊണ്ട് വികസനം നടത്തേണ്ടെന്ന് കേരള മദ്യ വിരുദ്ധ ജനകീയ മുന്നണി ജില്ലാ ചെയര്‍മാന്‍ എ.കെ സുല്‍ത്താന്‍. കേരള മദ്യ വിരുദ്ധ ജനകീയ മുന്നണി ജില്ലാ കമ്മിറ്റിയുടെ ആഭിമുഖ്യത്തില്‍ വിവിധ ജനവാസ കേന്ദ്രങ്ങളില്‍ സ്ഥാപിച്ച മദ്യവില്‍പന ശാലകള്‍ ജനകീയ പ്രക്ഷോഭത്തെ തുടര്‍ന്നു അടച്ചു പൂട്ടിയ നടപടിയില്‍ ആഹ്ലാദം പ്രകടിപ്പിച്ച് നഗരത്തില്‍ നടത്തിയ പ്രകടനത്തിന്റെ സമാപനം സ്റ്റേഡിയം ബസ്സ്റ്റാന്‍ഡ് പരിസരത്ത് ഉദ്ഘാടനം ചെയ്തു സംസാരിക്കുകയായിരുന്നു. എ.എം അബ്ദുല്‍കരിം പറളി അധ്യക്ഷനായി.
പി.വി വിജയരാഘവന്‍, വി.പി നിജാമുദ്ദീന്‍, കെ ശിവരാജേഷ്, എ.എന്‍ കരിങ്കരപ്പുള്ളി, എം സുലൈമാന്‍, വള്ളത്തോള്‍ മുരളീധരന്‍, സനോജ് കൊടുവായൂര്‍, എം അഖിലേഷ്‌കുമാര്‍, കെ കൃഷ്ണാര്‍ജ്ജുനന്‍, എസ് കുമാരന്‍, എച്ച് ലാസര്‍, കെ അബൂബക്കര്‍, റയ്മണ്ട് ആന്റണി, കെ.പി ചാമുണ്ണി പ്രസംഗിച്ചു.