പള്ളുരുത്തി:അന്യസംസ്ഥാനങ്ങളില്‍ നിന്നും കടല്‍മാര്‍ഗ്ഗം മദ്യം എത്തുന്നെന്ന രഹസ്യ സന്ദേശത്തിന്റെ അടിസ്ഥാനത്തില്‍ കൊച്ചി പുറംകടലില്‍ എക്‌സൈസ് സംഘവും ,പൊലിസിന്റെ മറൈന്‍ എന്‍ഫോഴ്‌സ്‌മെന്റ് വിഭാഗവും ചേര്‍ന്ന് കൊച്ചി പുറംകടലില്‍ സംയുക്ത പരിശോധന നടത്തി.ബുധനാഴ്ച ഉച്ചതിരിഞ്ഞ് ആരംഭിച്ച പരിശോധന നാലു മണിക്കൂര്‍ നീണ്ടു.16ഓളം മത്സ്യ ബന്ധന ബോട്ടുകള്‍ പരിശോധനക്ക് വിധേയമാക്കി. മദ്യശാലകളുടെ നിയന്ത്രണത്തെ തുടര്‍ന്ന് ഗോവ, കര്‍ണ്ണാടക , തമിഴ്‌നാട് തുടങ്ങിയ സംസ്ഥാനങ്ങളില്‍ നിന്ന് കടല്‍മാര്‍ഗ്ഗം കേരള തീരത്തേക്ക് മദ്യം എത്തുന്നുവെന്നായിരുന്നു രഹസ്യാന്വേഷണ റിപ്പോര്‍ട്ട് വിശദമായ പരിശോധന നടത്തിയെങ്കിലും അസ്വാഭാവികമായി ഒന്നും കണ്ടെത്താനായില്ല.എക്‌സൈസ് സി.ഐ.ടി.പി ജോര്‍ജ്ജ് ,മറൈന്‍ എസ്.ഐ. ശരത്ത് എന്നിവര്‍ പരിശോധനകള്‍ക്ക് നേതൃത്വം നല്‍കി.