ഇരവിപുരം: ബൈക്കില്‍ കറങ്ങി കഞ്ചാവ് വില്‍പന നടത്തിവന്നിരുന്ന യുവാവിനെ ഇരവിപുരം പൊലിസ് പിടികൂടി.
വാളത്തുംഗല്‍ കളരിവാതുക്കല്‍ കോടിയാട്ട് പടിഞ്ഞാറ്റതില്‍ പ്രശാന്താ(24)ണ് അറസ്റ്റിലായത്. ഇയാളില്‍നിന്ന് ഒരുകിലോഗ്രാം കഞ്ചാവ് പിടികൂടി. കഞ്ചാവ് ചെറുപൊതികളിലാക്കി സുനാമി ഫ്‌ളാറ്റുകള്‍, മദ്യവില്‍പനശാല, സ്‌കൂള്‍, കോളജ് പരിസരങ്ങള്‍ എന്നിവിടങ്ങള്‍ കേന്ദ്രീകരിച്ചായിരുന്നു ഇയാള്‍ കഞ്ചാവ് വില്‍പ്പന നടത്തിയിരുന്നത്.
ഇരവിപുരം പൊലിസ് ഇന്‍സ്‌പെക്ടര്‍ പങ്കജാക്ഷന്റെ നേതൃത്വത്തില്‍ എസ്.ഐ ശ്രീകുമാര്‍, ഷാഡോ എസ്.ഐ വിപിന്‍, എ.എസ്.ഐമാരായ സക്കീര്‍, ലലഗഷ്, സി.പി.ഒമാരായ സീനു, മീനു, ഹരി, ശിവകുമാര്‍, മനോജ് എന്നിവരടങ്ങിയ സംഘമാണ് പ്രതിയെ പിടികൂടിയത്.