ചേളാരി: ജൂലായ് 15 മുതല്‍ ആഗസ്റ്റ് 15 വരെ ആചരിക്കുന്ന സുപ്രഭാതം പ്രചാരണ കാംപയിന്‍ വിജയിപ്പിക്കാന്‍ സമസ്ത കേരള ജംഇയ്യത്തുല്‍ ഉലമാ മുശാവറ യോഗം ആഹ്വാനം ചെയ്തു.

മലയാള പത്രലോകത്ത് മുന്‍നിരയില്‍ നില്‍ക്കുന്ന സുപ്രഭാതത്തിന് പുതിയൊരു എഡിഷന്‍കൂടി പാലക്കാടുനിന്ന് ആരംഭിക്കുകയാണ്. കൂടുതല്‍ വരിക്കാരെ ചേര്‍ത്തും പ്രചാരണ പ്രവര്‍ത്തനങ്ങള്‍ സംഘടിപ്പിച്ചും കാംപയിന്‍ വിജയിപ്പിക്കാന്‍ സമസ്തയുടെയും പോഷക സംഘടനകളുടെയും പ്രവര്‍ത്തകര്‍ മുന്നിട്ടിറങ്ങണമെന്നും യോഗം അഭ്യര്‍ഥിച്ചു.

പ്രസിഡണ്ട് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനായി. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. ജനറല്‍ സെക്രട്ടറി പ്രൊഫ.കെ.ആലിക്കുട്ടി മുസ്‌ലിയാര്‍ സ്വാഗതം പറഞ്ഞു.

എം.ടി.അബ്ദുല്ല മുസ്‌ലിയാര്‍, പി.കെ.പി.അബ്ദുസ്സലാം മുസ്‌ലിയാര്‍, സി.കെ.എം.സ്വാദിഖ് മുസ്‌ലിയാര്‍, കെ.പി.അബ്ദുല്‍ജബ്ബാര്‍ മുസ്‌ലിയാര്‍, പി.പി.ഉമ്മര്‍ മുസ്‌ലിയാര്‍ കൊയ്യോട്, എം.എം.മുഹ്‌യുദ്ദീന്‍ മുസ്‌ലിയാര്‍, യു.എം.അബ്ദുറഹിമാന്‍ മുസ്‌ലിയാര്‍, പി.ഇബ്‌റാഹീം മുസ്‌ലിയാര്‍, എം.കെ.മൊയ്തീന്‍കുട്ടി മുസ്‌ലിയാര്‍, കെ.പി.സി.തങ്ങള്‍, എം.പി.കുഞ്ഞിമുഹമ്മദ് മുസ്‌ലിയാര്‍, ത്വാഖാ അഹ്മദ് മൗലവി, പി.കെ.കുഞ്ഞിക്കോയ മുസ്‌ലിയാര്‍ വാവാട്, വി.മൂസക്കോയ മുസ്‌ലിയാര്‍, എ.മരക്കാര്‍ മുസ്‌ലിയാര്‍, പി.കെ.മൂസക്കുട്ടി ഹസ്രത്ത്, ടി.എസ്. ഇബ്‌റാഹീം കുട്ടി മുസ്‌ലിയാര്‍, മാണിയൂര്‍ അഹ്മദ് മൗലവി, കെ.ഹൈദര്‍ ഫൈസി പനങ്ങാങ്ങര, ഡോ.ബഹാഉദ്ദീന്‍ മുഹമ്മദ് നദ്‌വി കൂരിയാട്, എം.മൊയ്തീന്‍കുട്ടി ഫൈസി വാക്കോട്, കെ.ഉമര്‍ ഫൈസി മുക്കം, കെ.പി.അബ്ദുല്ല മുസ്‌ലിയാര്‍, ചെറുവാളൂര്‍ പി.എസ്.ഹൈദര്‍ മുസ്‌ലിയാര്‍ പ്രസംഗിച്ചു.