പാലക്കാട്: മുതലമട ഗ്രാമപഞ്ചായത്തിന്റെ ഉടമസ്ഥതയിലുള്ള ട്രാക്ടറില്‍ ആലത്തൂര്‍ ലോക്‌സഭാ മണ്ഡലം എല്‍.ഡി.എഫ് സ്ഥാനാര്‍ഥി പി.കെ ബിജുവിന്റെ തെരഞ്ഞെടുപ്പ് പ്രചാരണ ബോര്‍ഡുകള്‍ പഞ്ചായത്തിലെ വിവിധ പ്രദേശങ്ങളിലേക്ക് കടത്തുന്നതായി പരാതി.  കടുത്ത തെരഞ്ഞെടുപ്പ് പെരുമാറ്റചട്ട ലംഘനവും, അധികാര ദുര്‍വിനിയോഗവുമാണ് പഞ്ചായത്ത് പ്രസിഡന്റും ഭരണസമിതിയും നടത്തുന്നതെന്നും പഞ്ചായത്ത് പ്രസിഡന്റിനും, ഭരണസമിതിക്കെതിരേ തെരഞ്ഞെടുപ്പ് കമ്മിഷന്‍ നിയമനടപടി സ്വീകരിക്കണമെന്നും ആരോപണം ഉയരുന്നുണ്ട്.