കാട്ടാക്കട: സ്വകാര്യ സ്ഥലത്ത് സംഘം ചേര്‍ന്നു മദ്യപിച്ചത് ചോദ്യം ചെയ്ത പുരയിട ഉടമസ്ഥനെ മര്‍ദിച്ച കേസില്‍ അഞ്ചു പേര്‍ അറസ്റ്റില്‍.
ചെറുകോട് സ്‌കൈലൈനിനു സമീപം താമസക്കാരായ വിട്ടിയംപാട് മേലെ കോളനിയില്‍ വിഷ്ണു എന്ന് വിളിയ്ക്കുന്ന ആര്‍.ജോണി(24), ഇയാളുടെ സഹോദരന്‍ ശംഭു എന്ന് വിളിയ്ക്കുന്ന രാഹുല്‍(21), പൊന്നംകോട് രജിതാ ഭവനില്‍ രജിത്(25), വിട്ടിയംപാട് കോളനിയില്‍ എം.സിദ്ദിക്(25), കിളിക്കോട്ടുവിള പുത്തന്‍വീട്ടില്‍ സുനില്‍ഭവനില്‍ എസ്.സുനീഷ്(29) എന്നിവരെയാണ് വിളപ്പില്‍ശാല പൊലിസ് അറസ്റ്റ് ചെയ്തത്.
വട്ടിയൂര്‍ക്കാവ് പ്ലാവോട് സ്വദേശി കെ. ഗോപിനാഥന്‍പിള്ള(57)യുടെ പരാതിയിലാണ് അറസ്റ്റ്. കഴിഞ്ഞ 24ന് ഗോപിനാഥന്‍പിള്ളയുടെ പുരയിടത്തിലിരുന്ന് മദ്യപിച്ചത് ചോദ്യം ചെയ്തതിന് അഞ്ചംഗ സംഘം മര്‍ദിച്ച് ഗോപിനാഥന്‍നായരുടെ മുഖത്ത് ഗുരുതരമായി പരുക്കേല്‍പ്പിച്ചിരുന്നു.