ജക്കാര്‍ത്ത: ഇന്തോനേഷ്യ ഓപ്പണില്‍ തായ്‌ലന്റ് താരം പോണ്‍പാവി ചൊച്ചുവോങിനെ പരാജയപ്പെടുത്തി പി.വി സിന്ധു രണ്ടാം റൗണ്ടില്‍ കടന്നു. 

മൂന്നു സെറ്റുകള്‍ നീണ്ട മത്സരത്തില്‍ 21-15, 19-21, 21-13 എന്നീ സ്‌കോറിനാണ് സിന്ധുവിന്റെ വിജയം. രണ്ടാം റൗണ്ടില്‍ ജപ്പാന്റെ അയ ഒഹോരിയാണ് സിന്ധുവിന്റെ എതിരാളി.
പുരുഷ വിഭാഗത്തില്‍ നിലവിലെ ചാംപ്യന്‍ കിഡംബി ശ്രീകാന്ത് ജപ്പാന്‍ താരം കെന്റോ മൊമോട്ടയോട് പരാജയപ്പെട്ടു. 21-12, 14-21, 15-21 എന്നീ സ്‌കോറിനാണ് ശ്രീകാന്ത് പരാജയപ്പെട്ടത്.