മഞ്ചേരി: മഞ്ചേരി നഗരസഭയുടെയും കുടുംബശ്രീയുടെയും ആഭിമുഖ്യത്തില്‍ മുപ്പത്തിനാലാം വാര്‍ഡിലെ അയല്‍കൂട്ടങ്ങള്‍ക്കു കീഴില്‍  പൊലിവ് കാര്‍ഷിക  കാമ്പയിന്‍ സംഘടിപ്പിച്ചു. ആഹാര പദാര്‍ഥങ്ങളുടെ പ്രാദേശിക ഉല്‍പാദനം, ജല സ്രോതസുകളുടെ സംരക്ഷണം, വികേന്ദ്രീകൃത മാലിന്യ സംസ്‌കരണം തുടങ്ങിയ കാര്യങ്ങളാണ്  കാമ്പയിന്‍ കൊണ്ട് ലക്ഷ്യമാക്കുന്നത്. മഞ്ചേരി നഗരസഭയിലെ അയല്‍കൂട്ടങ്ങളുടെ ആഭിമുഖ്യത്തില്‍ മുഴുവന്‍ വാര്‍ഡുകളിലും ജൈവ കൃഷി നടത്താന്‍ തീരുമാനമായി. മുനിസിപ്പല്‍ ചെയര്‍പേഴ്‌സണ്‍ വി.എം സുബൈദ ഉദ്ഘാടനം ചെയ്തു. കൗണ്‍സിലര്‍  കെ സിക്കന്തര്‍ ഹയാത്ത് അധ്യക്ഷനായി. സി.ഡി.എസ് ചെയര്‍പേഴ്‌സണ്‍ എം.ടി ഫാത്തിമ, സൈബുന്നീസ, ഒ.രാധ, ശോഭന, കുമാരി, രേണുക, നിഷ, ടീന തുടങ്ങിയവര്‍ പങ്കെടുത്തു.