കൊച്ചി: 2018ലെ മഹാപ്രളയകാലത്ത് കേരളത്തിനും അന്തരിച്ച ബോളിവുഡ് നടന്‍ സുശാന്ത് സിംഗ് സഹായമേകിയിരുന്നു. കേരളം പ്രളയത്തെ നേരിടുകയാണെന്നും എന്നാല്‍ തനിക്ക് സഹായിക്കാന്‍ കഴിയില്ലെന്നും പറഞ്ഞ ആരാധകനായ ശുഭംരഞ്ജന്‍ എന്ന യുവാവിന്റെ പേരില്‍ ഒരു കോടി രൂപയാണ് സുശാന്ത് കേരളത്തിനായി നല്‍കിയത്. ഈ തുക ദുരിതാശ്വാസ ഫണ്ടില്‍ എത്തിയതായി ഉറപ്പാക്കി തന്നെ അറിയിക്കണമെന്നും സുശാന്ത് ട്വീറ്റ് ചെയ്തിരുന്നു. തുടര്‍ന്ന് ശുഭംരഞ്ജന്റെ പേരില്‍ സുശാന്ത് പണം നിക്ഷേപിച്ചു.
പിന്നീട് ശുഭംരഞ്ജന്‍ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് മാറ്റിയ ശേഷം സ്‌ക്രീന്‍ ഷോട്ട് സാമൂഹ്യമാധ്യമത്തില്‍ പങ്ക് വച്ചിരുന്നു.