മാള:  മാരേക്കാട് തെക്കേവീട്ടില്‍ അലികുഞ്ഞിയുടെ വീട്ടില്‍ നിന്ന് സ്വര്‍ണവും പണവും മോഷണം പോയതായി പരാതി. കഴിഞ്ഞ ദിവസം രാത്രി  ഒന്‍പതിനും പതിനൊന്നിനും ഇടയിലാണ് മോഷണം നടന്നത്. വീട്ടുകാര്‍ ആത്മീയ സദസില്‍ പങ്കെടുത്ത് മടങ്ങി വന്നപ്പോള്‍ മുന്നിലെ വാതിലിന്റെ താഴ് തകര്‍ത്തതായി കണ്ടു. വാതില്‍ അകത്ത് നിന്ന് കുറ്റിയിട്ട നിലയിലുമായിരുന്നു. പിന്നിലെ വാതില്‍ തുറന്ന്  കിടക്കുകയുമായിരുന്നു. വീടിനകത്ത് അലമാരയില്‍ സൂക്ഷിച്ചിരുന്ന രണ്ട് വള, രണ്ട് കമ്മല്‍, രണ്ട്  മോതിരം പതിനായിരം രൂപ എന്നിവയാണ് മോഷ്ടിക്കപ്പെട്ടത്. മേശ വലിപ്പും തകര്‍ക്കപ്പെട്ടിരുന്നു. മാള പൊലിസില്‍ പരാതി നല്‍കി. പൊലിസെത്തി അന്വേഷണം ആരംഭിച്ചു.  കേസിലെ പ്രതികളെ കണ്ടെത്താനായിട്ടില്ല.