കോട്ടയം: മദ്യപിച്ചെത്തിയയാള്‍ വീടുകയറി അക്രമിച്ചതായി പരാതി. മാധ്യമപ്രവര്‍ത്തകനായ വൈക്കം ചെമ്മനാകരി പടന്നയില്‍ പി ഷണ്‍മുഖന്റെ വീട്ടില്‍ കയറി ഭാര്യയേയും മകനേയും അക്രമിച്ചതായി വൈക്കം പൊലിസില്‍ പരാതി ലഭിച്ചത്.
വൈക്കം ചെമ്മനാകരി സ്വദേശിയാണ് അക്രമം നടത്തിയതെന്ന് പരാതിയില്‍ പറയുന്നു. കഴിഞ്ഞ ദിവസം വൈകുന്നേരമായിരുന്നു കേസിനാസപദമായ സംഭവം. മദ്യപിച്ചെത്തിയയാള്‍ ഷണ്‍മുഖന്റെ വീട്ടില്‍ അതിക്രമിച്ചു കയറി അക്രമം നടത്തുകയായിരുന്നുവെന്ന് പൊലിസ് പറഞ്ഞു.