പാലാ: ബി.എസ്.എന്‍.എല്‍ എംപ്ലോയീസ് കോണ്‍ഗ്രസ് അഖിലേന്ത്യാ പ്രസിഡന്റായി ഐ.എന്‍.ടി.യു.സി സംസ്ഥാന സെക്രട്ടറിയും പാലാ റീജണല്‍ കമ്മറ്റി പ്രസിഡന്റുമായ പി.സി തോമസ് തെരഞ്ഞെടുക്കപ്പെട്ടു.
സേലത്തു നടന്ന അഖിലേന്ത്യാ സമ്മേളനത്തിലാണ് തെരഞ്ഞെടുപ്പ് നടന്നത്. എസ്.റ്റി സതീന്ദ്രന്‍ (തമിഴ്‌നാട്) - വൈസ് പ്രസിഡന്റ്, എം രാമസുന്ദരം (തമിഴ്‌നാട് ) - ജനറല്‍ സെക്രട്ടറി, ജെ.സി മിശ്ര (മഹാരാഷ്ട്ര), എസ്.കെ താക്കൂര്‍ (നാഗ്പൂര്‍), എന്‍.എന്‍. ഗോസ്വാമി (കല്‍ക്കട്ട), ടി.ആര്‍ മഹാദേവന്‍, പി ഗോവിന്ദന്‍കുട്ടി, പി.എസ് മോഹനന്‍, എസ്.കെ രാമചന്ദ്രന്‍ എന്നിവരാണ് കേരളത്തില്‍ നിന്നുള്ള മറ്റു ഭാരവാഹികള്‍. കഴിഞ്ഞ 40 വര്‍ഷമായി ഐ.എന്‍.ടി.യു.സിയുടെ സജീവ പ്രവര്‍ത്തകനും നേതൃനിരയില്‍ പ്രവര്‍ത്തിക്കുന്ന ആളുമാണ് പി.സി തോമസ്. 12-ല്‍ പരം യൂണിയനുകളുടെ സംസ്ഥാനതല ഭാരവാഹിയുമാണ്.