മലപ്പുറം: മുണ്ടുപറമ്പ് മഹല്ല്, മദ്‌റസ, ശാഖാ എസ്.വൈ.എസ്, എസ്.കെ.എസ്.എസ്.എഫ്, പി.ടി.എ കമ്മിറ്റികള്‍ സംയുക്തമായി ഇന്ന് സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ക്ക് സ്വീകരണം നല്‍കും.
വൈകീട്ട് ഏഴിന് കൂത്രാടന്‍ അലവിക്കുട്ടി ഹാജി നഗറില്‍ നടക്കുന്ന ചടങ്ങ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. കെ.പി ആറ്റക്കോയ തങ്ങള്‍ അധ്യക്ഷനാകും. അബ്ദുസമദ് പൂക്കോട്ടൂര്‍ മുഖ്യപ്രഭാഷണം നടത്തും. മഹല്ല് ഖാസി മുസ്തഫ ഫൈസി, മലപ്പുറം റെയിഞ്ച് ഭാരവാഹികളായ അബ്ദുല്‍ ഖാദര്‍ ബാഖവി, മുഹമ്മദലി മുസ്‌ലിയാര്‍, ഹുസൈന്‍ മുസ്‌ലിയാര്‍ സംബന്ധിക്കും.
40 വര്‍ഷത്തിലധികമായി മുണ്ടുപറമ്പ് ഖിദ്മത്തുല്‍ ഇസ്‌ലാം മദ്‌റസയില്‍ സേവനമനുഷ്ഠിച്ച സി.പി അബ്ദുള്ള മുസ്‌ലിയാരെ ആദരിക്കും.
സമസ്ത പൊതുപരീക്ഷയില്‍ അഞ്ചാം ക്ലാസില്‍ ഒന്നാം റാങ്ക് നേടിയ കെ.പി റുഷ്ദ ബീവിക്കും ഏഴാം ക്ലാസില്‍ നാലാം റാങ്ക് നേടിയ യു.ദില്‍ഷക്കും ഉപഹാരം നല്‍കും.