താമരശ്ശേരി: വില്‍പനയ്ക്കായി വച്ച സാധനങ്ങള്‍ കടയില്‍ നിന്ന് മോഷണം പോയതായി പരാതി. ഇന്നലെ ഉച്ചയ്ക്ക് രണ്ടിന് താമരശ്ശേരി സ്റ്റേറ്റ് ബാങ്കിനു സമീപത്തെ ഷോല ഫാന്‍സിയിലാണു മോഷണം നടന്നത്. കടയുടെ പുറത്ത് വില്‍പനയ്ക്കായി നിരത്തിവച്ച രണ്ട് ട്രോളി ബാഗും ഒരു ട്രാവലിങ് ബാഗുമാണ് മോഷണം പോയത്. സി.സി ടി.വി ദൃശ്യങ്ങള്‍ പരിശോധിച്ചപ്പോള്‍ കുട്ടികളുമായെത്തിയ രണ്ടു സ്ത്രീകള്‍ ബാഗുകള്‍ മോഷ്ടിച്ചതെന്നു തെളിഞ്ഞതായി കാണിച്ച് കടയുടമ കെ.ടി അബ്ദുല്‍ ജബ്ബാര്‍ താമരശ്ശേരി പൊലിസില്‍ പരാതി നല്‍കി.