കോഴിക്കോട്: അക്കാദമിക രംഗത്ത് സംസ്ഥാനത്ത് ശ്രദ്ധേയമായ നേട്ടങ്ങള്‍ കൈവരിക്കാന്‍ കഴിഞ്ഞതിന്റെ പ്രോത്സാഹനമായി ഈ മാസം ആറിന് മികച്ച വിദ്യാലയങ്ങളെ ആദരിക്കും. ജില്ലാ പഞ്ചായത്ത് ഈ വര്‍ഷം മുതല്‍ നടപ്പിലാക്കുന്ന എജ്യുകെയര്‍ സമഗ്ര വിദ്യാഭ്യാസ പരിരക്ഷാ പരിപാടിയുടെ ഭാഗമായാണ് അംഗീകാരം.
ജില്ലാ പഞ്ചായത്ത് പരിധിയില്‍നിന്ന് എസ്.എസ്.എല്‍.സി, പ്ലസ്ടു പരീക്ഷകളില്‍ മികച്ച വിജയം നേടിയ പൊതുവിദ്യാലയങ്ങളെ ആദരിക്കലും, എജ്യുകെയര്‍ സമഗ്ര പരിരക്ഷാ പരിപാടിയുടെ ഭാഗമായുള്ള പദ്ധതികളെ കുറിച്ചുള്ള ഒറിയന്റേഷനും മുഴുവന്‍ ഹൈസ്‌കൂള്‍, ഹയര്‍ സെക്കന്‍ഡറി ക്ലാസ് മുറികളില്‍ ലൈബ്രറി സജ്ജീകരണത്തിനും തുടക്കമിടലും ചടങ്ങിന്റെ ഭാഗമായി നടക്കും.
പിണവൂര്‍കുടി സ്‌കൂളിനെ സംസ്ഥാനതലത്തില്‍ ശ്രദ്ധേയമാക്കുന്നതിനു നേതൃത്വം നല്‍കിയ കെ. ശിവദാസന്‍ മാസ്റ്ററെ ചടങ്ങില്‍ ആദരിക്കും. ഗതാഗത മന്ത്രി എ.കെ ശശീന്ദ്രന്‍ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി പങ്കെടുക്കും.