ചാലക്കുടി: വിദേശ ബ്ലോഗര്‍ സംഘം അതിരപ്പിള്ളി സന്ദര്‍ശിച്ചു. കേരള ബ്ലോഗ് എക്‌സ്പ്രസ് എന്ന പരിപാടിയുടെ ഭാഗമായാണ് സന്ദര്‍ശനം. വിനോദ സഞ്ചാര വകുപ്പ് സംഘത്തെ സംസ്ഥാനത്തെ വിവിധ ടൂറിസം കേന്ദ്രങ്ങളില്‍ കൊണ്ടുപോകും. മത്സരത്തിലൂടെയാണ് ബ്ലോഗര്‍ സംഘത്തെ തിരഞ്ഞെടുത്തത്.
സംസ്ഥാനത്തെ ടൂറിസ സ്‌പോട്ടുകളും അവയുടെ പ്രത്യേകതകളും ഇന്റര്‍നെറ്റ് വഴി ഇവര്‍ പ്രചരിപ്പിക്കും.
ഇത് ടൂറിസം മേഖലക്ക് വന്‍ കുതിപ്പും ഉണര്‍വും ഉണ്ടാകുമെന്നാണ് പ്രതീക്ഷ. വിവിധ രാജ്യങ്ങളില്‍ നിന്നുള്ള 35ഓളം പേരാണ് സംഘത്തിലുള്ളത്. സംഘം ഇന്ന് അതിരപ്പിള്ളിയില്‍ നിന്നും പോകും.