പുതുനഗരം: കരിപ്പോട് തറയില്‍ റോഡരുകില്‍ നിര്‍ത്തിയിട്ട രണ്ട് ഓട്ടോറിക്ഷകള്‍ ബുധനാഴ്ച പുലര്‍ച്ചെ അജ്ഞാതര്‍ കത്തിച്ചു. പ്രിയദര്‍ശിനി കോളനിയിലെ ഗോപിയും മകന്‍ മണികണ്ഠനും ഓടിക്കുന്ന തച്ചങ്കാട് ഹരിദാസിന്റെയും പാലക്കാട് അബ്ദുല്‍ ഖാദറിന്റെയും ഉടമസ്ഥതയിലുള്ള ഓട്ടോകളാണ് കത്തിച്ചത്. പാലക്കാട് ടൗണിലെ ഓട്ടോ ഡ്രൈവറായ ഗോപി ഓട്ടം കഴിഞ്ഞ് വീട്ടില്‍നിന്നും 100 മീറ്റര്‍ മാറിയാണ് ഓട്ടോ നിര്‍ത്തിയിട്ടിരുന്നത്. ഡീസല്‍, പെട്രോള്‍ ഓട്ടോകളാണ്. നാലര ലക്ഷം രൂപയുടെ നഷ്ടമുണ്ടായതായി പറയുന്നു.
സംഭവത്തെ തുടര്‍ന്ന് സി.സി ടി.വി കാമറകള്‍ കേന്ദ്രീകരിച്ച് പുതുനഗരം സി.ഐ സുനില്‍കുമാറും സംഘവും പരിശോധന നടത്തി അന്വേഷണം ഊര്‍ജിതമാക്കി.