കല്‍പ്പറ്റ: കല്‍പ്പറ്റ- സുല്‍ത്താന്‍ ബത്തേരി റൂട്ടില്‍ കെ.എസ്.ആര്‍.ടി.സിയുടെ ചെയിന്‍ ബസ് സര്‍വിസുകള്‍ ഇന്ന് ആരംഭിക്കും. രാവിലെ ആറുമുതല്‍ വൈകീട്ട് ഏഴരവരെയുള്ള സമയ പരിധിയിലാണ് സര്‍വിസ് നടത്തുന്നത്. കല്‍പ്പറ്റ, സുല്‍ത്താന്‍ ബത്തേരി ഡിപ്പോകളില്‍ നിന്ന് അഞ്ചു വീതം ബസുകളാണ് സര്‍വിസ് നടത്തുക.
കെ.എസ്.ആര്‍.ടി.സി എം.ഡി ടോമിന്‍ തച്ചങ്കരിയുടെ നിര്‍ദേശത്തെ തുടര്‍ന്നാണ് സ്വകാര്യ ബസുകള്‍ കുത്തകയാക്കിയിരുന്ന റൂട്ടില്‍ കെ.എസ്.ആര്‍.ടി.സി സര്‍വിസ് ആരംഭിക്കുന്നത്.
ഇതിനുള്ള ബസുകള്‍ രണ്ടു ഡിപ്പോകള്‍ക്കും അനുവദിക്കാന്‍ കെ.എസ്.ആര്‍.ടി.സി എക്‌സികൂട്ടീവ് ഡയറക്ടര്‍മാരായ ജി അനില്‍കുമാറിനും (ഓപ്പറേഷന്‍ വിഭാഗം) ഈ പ്രദീപ്കുമാറിനും (ടെക്‌നിക്കല്‍ വിഭാഗം) എം.ഡി നിര്‍ദേശം നല്‍കിയിരുന്നു. ഇതുവരെ കല്‍പ്പറ്റ ഡിപ്പോയില്‍ നിന്ന് നാമമാത്രമായ ബസുകളാണ് സുല്‍ത്താന്‍ ബത്തേരി-കല്‍പ്പറ്റ റൂട്ടില്‍ ലോക്കല്‍ ചെയിന്‍ സര്‍വിസ് നടത്തുന്നത്.