മട്ടന്നൂര്‍: കീച്ചേരിയില്‍ മുസ്‌ലിം ലീഗ് ഓഫിസിനു നേരെ വീണ്ടും ആക്രമണം. ബുധനാഴ്ച പുലര്‍ച്ചെയാണു സംഭവമെന്നു കരുതുന്നു. മുസ്ലിംലീഗ് കീച്ചേരി ശാഖ ഓഫിസ് പ്രവര്‍ത്തിക്കുന്ന കെട്ടിടത്തിലാണ് കരി ഓയില്‍ ഒഴിച്ചു വികൃതമാക്കിയത്.
രണ്ടു മുറികളിലായി പ്ര വര്‍ത്തിക്കുന്ന ഓഫിസിന്റെ ഷട്ടറുകളിലും വരാന്തയിലുമാണ് കരി ഓയില്‍ ഒഴിച്ചത്. കഴിഞ്ഞ ദിവസം ഓഫിസിന്റെ നെയിം ബോര്‍ഡ് കീറി നശിപ്പിച്ചതിനു പിന്നാലെയാണ് വീണ്ടും ആക്രമണം നടന്നിരിക്കുന്നത്. മൂന്നാംതവണയാണ് ലീഗ് ഓഫിസിനുനേരേ ആക്രമണം നടക്കുന്നത്. മൂന്നു മാസം മുന്‍പ് ഓഫിസിനു നേരെ കരി ഓയില്‍ പ്രയോഗം നടന്നിരുന്നു. നേതാക്കള്‍ മട്ടന്നൂര്‍ പൊലിസില്‍ പരാതി നല്‍കി.