ഇരിട്ടി: രാജ്യത്തിന്റെ മതേതര സംസ്‌കാരം നിലനിര്‍ത്താന്‍ പുതുതലമുറ രംഗത്തിറങ്ങണമെന്നും ലോകരാഷ്ട്രങ്ങളില്‍ നിന്ന് ഇന്ത്യയെ വ്യത്യസ്തമാക്കുന്ന സവിശേഷത നാനാത്വത്തില്‍ ഏകത്വമാണെന്നും മുന്‍ എം.എല്‍.എ പി.സി വിഷ്ണുനാഥ് പറഞ്ഞു.ഇരിട്ടി നഗരസഭ പരിധിയിലെ എസ്.എസ്.എല്‍.സി, പ്ലസ് ടു, ഡിഗ്രി പരീക്ഷകളിലെ ഉന്നത വിജയികളെ അനുമോദിക്കുന്നതിന് യൂത്ത് കോണ്‍ഗ്രസ്സ് ഇരിട്ടി മണ്ഡലം കമ്മറ്റി സംഘടിപ്പിച്ച അനുമോദന സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.അഡ്വ.സണ്ണിജോസഫ് എം.എല്‍.എ മുഖ്യപ്രഭാഷണം നടത്തി. കെ സുരേഷ് കുമാര്‍ അധ്യക്ഷനായി. പടിയൂര്‍ ദാമോദരന്‍, പി.കെ ജനാര്‍ദ്ദനന്‍, തോമസ്‌വര്‍ഗീസ്, പി.എ നസീര്‍, ജൂബിലി ചാക്കോ എന്നിവര്‍ സംസാരിച്ചു.