അബുദാബി: ഗ്രീന്‍ വോയ്‌സ് അബുദാബിയുടെ ഈ വര്‍ഷത്തെ 'ഹരിതാക്ഷര പുരസ്‌കാരം പ്രശസ്ത കവിയും ഗാനരചയിതാവുമായ പി.കെ. ഗോപിക്ക്.
. 'കര്‍മശ്രീ' പുരസ്‌കാരത്തിന്, വയനാട് മുസ്ലിം ഓര്‍ഫനേജ് (WMO) ജനറല്‍ സെക്രട്ടറി എം.എ. മുഹമ്മദ് ജമാല്‍ അര്‍ഹനായി.

കേരളത്തിലും ഗള്‍ഫിലും കലാ സാഹിത്യ മാധ്യമ ജീവകാരുണ്യ രംഗങ്ങളില്‍ നല്‍കിയ സംഭാവനകളെ മാനിച്ചാണ് പുരസ്‌കാരങ്ങള്‍ നല്‍കുന്നത്.
പ്രവാസി മാധ്യമ അവാര്‍ഡുകള്‍ക്ക് എം. സി.എ. നാസര്‍, താന്‍സി ഹാഷിര്‍, അഞ്ജന ശങ്കര്‍, ജുമാന ഖാന്‍ എന്നിവരും അര്‍ഹരായി.

ഗ്രീന്‍ വോയിസ് പതിനഞ്ചാം വാര്‍ഷിക ആഘോഷങ്ങളുടെ ഭാഗമായി അബൂദാബി ഇന്ത്യന്‍ ഇസ്ലാമിക് സെന്ററില്‍ ഏപ്രില്‍ 5ന് നടക്കുന്ന 'സ്‌നേഹപുരം 2019' ചടങ്ങില്‍ പുരസ്‌കാരങ്ങള്‍ സമ്മാനിക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.