പൂക്കോട്ടുംപാടം: കേരള വ്യാപാരി വ്യവസായി ഏകോപന സമിതി അമരമ്പലം യൂനിറ്റ് വാര്‍ഷിക ജനറല്‍ ബോഡിയും കുടുംബമേളയും സംഘടിപ്പിച്ചു. പി.വി അബ്ദുല്‍ വഹാബ് എം.പി ഉദ്ഘാടനം ചെയ്തു. ചുങ്കത്തറ സി.എച്ച്.സിയില്‍ ജനകീയ കൂട്ടായ്മയില്‍ ആരംഭിക്കുന്ന ഡയാലിസിസ് യൂനിറ്റിന് ഒരു ലക്ഷം രൂപ, പൂക്കോട്ടുംപാടം പാലിയേറ്റീവ് കെയര്‍ ക്ലിനിക്കിന് വാഹനം വാങ്ങാന്‍ രണ്ടുലക്ഷം രൂപ എന്നിവ കൈമാറി.
വ്യാപാരി ക്ഷേമ ഇന്‍ഷുറന്‍സ് പദ്ധതിയില്‍ നിന്ന് 50,000 രൂപ ജില്ലാ പ്രസിഡന്റ് പി. കുഞ്ഞാവുഹാജി കൈമാറി. വിദ്യാഭ്യാസ ധനസഹായം യൂത്ത് വിങ്ങ് ജില്ലാ പ്രസിഡന്റ് വി. അബ്ദുല്‍ നിസാര്‍ മെഡിക്കല്‍ വിദ്യാര്‍ഥി ശരത്തിന് കൈമാറി. യൂനിറ്റ് പ്രസിഡന്റ് ടി.കെ മുകുന്ദന്‍ അധ്യക്ഷനായി. ചടങ്ങില്‍ യുവ പ്രതിഭകളായ പി.കെ വിജയകൃഷ്ണന്‍, ശഹദ് നിലമ്പൂര്‍, ഡോ.സി. ബിനീഷ്, ഡോ. റഫീഖ് അലി എന്നിവര്‍ക്ക് ഉപഹാരങ്ങള്‍ നല്‍കി. ജില്ലാ ജനറല്‍ സെക്രട്ടറി എം.കുഞ്ഞിമുഹമ്മദ്, നൗഷാദ് കളപ്പാടന്‍, പി.ടി.എസ് മൂസു, അക്രം ചുണ്ടിയില്‍, മുജീബ് രാജധാനി, ട്രെയ്‌നര്‍ സലീം ഫൈസല്‍, യൂത്ത് വിങ്ങ് ഭാരവാഹികളായ നബീല്‍ കസാമിയ, മുനീര്‍ സ്മാര്‍ട്, ഇബ്രാഹീം ബാദുഷ, കെ. ഇബ്രാഹീം, കെ. അലി, മാവുങ്ങല്‍ കരീം, എന്‍. അബ്ദുല്‍ മജീദ്, എം. അബ്ദുല്‍ നാസര്‍ സംസാരിച്ചു.