കണ്ണൂര്‍: സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് നടപ്പാക്കുന്ന പാഠപുസ്തക ശില്‍പശാലയിലൂടെയും ജംഇയ്യത്തുല്‍ മുഅല്ലിമീന്‍ നടപ്പാക്കുന്ന തദ്‌രീബ് ശാക്തീകരണ പദ്ധതിയിലൂടെയും മദ്‌റസയുടെ അകവും പുറവും കാര്യക്ഷമമാക്കാന്‍ എല്ലാവരും സജ്ജരാകണമെന്നു ജംഇയ്യത്തുല്‍ മുഅല്ലിമീന്‍ ജില്ലാ ജനറല്‍സെക്രട്ടറി അബ്ദുസമദ് മുട്ടം.
റെയിഞ്ച് തദ്‌രീബുകളുടെ ജില്ലാതല ഉദ്ഘാടനം ചാലാട് അഞ്ചുമന്‍ ഇല്‍ഫതുല്‍ ഇസ്‌ലാം മദ്‌റസയില്‍ നിര്‍വഹിക്കുകയായിരുന്നു അദ്ദേഹം. മദ്‌റസാ ശാക്തീകരണത്തിന് എല്ലാവരുടെയും സഹായ സഹകരണം അനിവാര്യമാണെന്നും സമദ് മുട്ടം പറഞ്ഞു.
സൈതലവി ദാരിമി അധ്യക്ഷനായി. ശരീഫ് ഫൈസി ജനറല്‍ ടോക്ക് നടത്തി. മുഹമ്മദ് റഷാദ് ദാരിമി, ശരീഫ് ദാരിമി, പ്രൊഫ. മഹമൂദ്, ഷാഹുല്‍ ഹമീദ്, പി.കെ അബ്ദുസലാം, അബ്ദുറാസിഖ്, ഖാസിം അസ്അദി സംസാരിച്ചു. ഹംസ ദാരിമി ഖിറാഅത്ത് നടത്തി. ജംഇയ്യത്തുല്‍ മുഅല്ലിമീന്‍ ചാലാട് റെയിഞ്ച് ഭാരവാഹികള്‍: ശരീഫ് ദാരിമി (പ്രസിഡന്റ്), അബ്ദുല്ല ദാരിമി, ഖാസിം അസ്അദി (വൈസ് പ്രസിഡന്റുമാര്‍), റഷാദ് ദാരിമി (ജനറല്‍സെക്രട്ടറി), മന്‍സൂര്‍ അസ്അദി, റഷീദ് മൗലവി (സെക്രട്ടറിമാര്‍), പി.കെ അബ്ദുസലാം (ട്രഷറര്‍), ഷഫീഖ് ബാഖവി (പരീക്ഷാ ബോര്‍ഡ് ചെയര്‍മാന്‍), ഷഫീഖ് അസ്അദി (വൈസ് ചെയര്‍മാന്‍), ഉബൈദ് ഹുദവി (എസ്.കെ.എസ്.ബി.വി ചെയര്‍മാന്‍), നാസര്‍ മൗലവി (കണ്‍വീനര്‍).