കാവനൂര്‍: ഏറനാട് മണ്ഡലത്തിലെ ഓരോ മദ്‌റസ ഏരിയയില്‍ നിന്നും എസ്.എസ്.എല്‍.സിയില്‍ തുടര്‍ പഠന യോഗ്യത നേടിയിട്ടുള്ള ഓരോ കുട്ടിയെ വീതം ഏറ്റെടുത്ത് സമന്വയ ഉപരിപഠനത്തിനായി വടശ്ശേരിയില്‍ ദഅ്‌വാ കോളജ് സ്ഥാപിക്കാന്‍ കാവനൂര്‍ ബി.യു മദ്‌റസയില്‍ ചേര്‍ന്ന സമസ്ത ഏറനാട് മണ്ഡലം സംഗമം തീരുമാനിച്ചു.
ജൂണ്‍ ആദ്യ വാരത്തില്‍ കോളജ് ആരംഭിക്കുന്നതിന് പദ്ധതികള്‍ ആവിഷ്‌കരിച്ചു. യോഗം പി.എ മുഹമ്മദ് ബാഖവി ഉദ്ഘാടനം ചെയ്തു. എസ്.വൈ.എസ് സംസ്ഥാന സെക്രട്ടറി കെ.എ റഹ്മാന്‍ ഫൈസി അധ്യക്ഷനായി. സമസ്ത ജില്ലാ നേതാക്കളായ ഹാജി കെ മമ്മദ് ഫൈസി, പുത്തനഴി മൊയ്തീന്‍ ഫൈസി ചര്‍ച്ച നിയന്ത്രിച്ചു. റഷീദ് ദാരിമി പൂവ്വത്തിക്കല്‍ സ്വാഗതവും ഇ.കെ ബീരാന്‍ കുട്ടി മുസ്‌ലിയാര്‍ നന്ദിയും പറഞ്ഞു.