ന്യൂഡല്‍ഹി: അമേഠിക്ക് പുറമെ രണ്ടാമത് ഒരു സീറ്റില്‍ നിന്ന് താന്‍ മത്സരിക്കുന്നതിനെ കുറിച്ച് കോണ്‍ഗ്രസ് തീരുമാനം ഉടന്‍ ഉണ്ടാകും എന്ന് രാഹുല്‍ ഗാന്ധി. വാര്‍ത്ത ഏജന്‍സി പി.ടി.ഐക്ക് നല്‍കിയ അഭിമുഖത്തില്‍ ആണ് രാഹുല്‍ ഇക്കാര്യം വ്യക്തമാക്കിയത്.

രണ്ടാമത്തെ സീറ്റില്‍ മത്സരിക്കാനുള്ള സാധ്യത രാഹുല്‍ ഗാന്ധി തള്ളിയില്ല. മുമ്പും പല പാര്‍ട്ടി നേതാക്കളും രണ്ട് സീറ്റില്‍ മത്സരിച്ചിട്ടുണ്ട്. തന്നോട് മത്സരിക്കണം എന്ന് ആവശ്യപ്പെട്ട കേരളത്തിലെയും, തമിഴ് നാട്ടിലെയും കര്‍ണാടകത്തിലെയും പാര്‍ട്ടി പ്രവര്‍ത്തകരോട് നന്ദി ഉണ്ട് എന്നും രാഹുല്‍ ഗാന്ധി പറഞ്ഞു. വയനാട്ടില്‍ മത്സരിക്കുമോ എന്ന ചോദ്യത്തിന് ആണ് രാഹുല്‍ ഇങ്ങനെ പ്രതികരിച്ചത്.

പ്രിയങ്ക ഗാന്ധി തെരഞ്ഞെടുപ്പില്‍ മത്സരിക്കുമോ എന്ന കാര്യത്തില്‍ അവരാണ് തീരുമാനം എടുക്കേണ്ടതെന്നും രാഹുല്‍ ഗാന്ധി പറഞ്ഞു.