പഴയങ്ങാടി: പട്ടാപ്പകല്‍ കട തുറക്കുന്നതിനിടെ മോഷണം. ഇന്നലെ രാവിലെ കടയുടെ ഷട്ടര്‍ തുറക്കുന്ന സമയത്താണ് വ്യാപാരിയുടെ ബേഗുമായി മോഷ്ടാവ് കടന്നത്. പഴയങ്ങാടിയിലെ സോനാ ഫൂട്ട് വേര്‍ ഉടമ കെ അബ്ദുല്‍ കരീമിന്റെ ബാഗ് ആണ് നഷ്ടമായത്. 2000 രൂപയും മൊബൈല്‍ ഫോണും മറ്റ് രേഖകളും ബാഗിലുണ്ടായിരുന്നു. രാവിലെ കടയുടെ ഒരുഭാഗത്തെ ഷട്ടര്‍ തുറന്ന് ബാഗ് താഴെവച്ചതിന് ശേഷം മറുവശത്തെ ഷട്ടര്‍ തുറക്കുന്നതിനിടയിലാണ് മോഷ്ട്ടാവ് ബാഗുമായി കടന്നത്. പഴയങ്ങാടി പൊലിസ് അന്വേഷണമാരംഭിച്ചു.