കൊച്ചി: ഇടതുസര്‍ക്കാര്‍ ആയിരംദിനം പൂര്‍ത്തിയാക്കിയതിന്റെ ഭാഗമായി പി.ആര്‍.ഡി പുറത്തിറക്കിയ ലഘുലേഖ എല്‍.ഡി.എഫ് തെരഞ്ഞെടുപ്പ് പ്രചാരണത്തിന് ഉപയോഗിക്കുന്നതായി വി.ഡി സതീശന്‍ എം.എല്‍.എ.
കോടിക്കണക്കിന് രൂപ ചെലവഴിച്ച് സര്‍ക്കാര്‍ സംവിധാനങ്ങള്‍ ഉപയോഗിച്ചാണ് ലഘുലേഖ തയാറാക്കിയിരിക്കുന്നത്. എല്ലാ ചട്ടങ്ങളും കാറ്റില്‍പ്പറത്തി എല്‍.ഡി.എഫ് പ്രവര്‍ത്തകര്‍ ഓരോ സ്ഥലങ്ങളിലും ഇതിന്റെ കോപ്പികള്‍ വിതരണംചെയ്യുകയാണ്. അഞ്ച് ലക്ഷം ലഘുലേഖകളാണ് എറണാകുളത്തെ എല്‍.ഡി.എഫിന്റെ തെരഞ്ഞെടുപ്പ് കമ്മിറ്റി ഓഫിസുകളില്‍ എത്തിച്ചിരിക്കുന്നത്. യു.ഡി.എഫ് പ്രവര്‍ത്തകര്‍ ഇതിനെതിരെ തെരഞ്ഞെടുപ്പ് കമ്മിഷന് പരാതി നല്‍കിയെങ്കിലും നടപടിയുണ്ടായില്ലെന്നും അദ്ദേഹം പറഞ്ഞു.