കോഡൂര്‍: സാക്ഷരതാ പ്രഖ്യാപനത്തിന്റെ 26ാം വാര്‍ഷികം ആഘോഷിച്ചു. വെസ്റ്റ്‌കോഡൂര്‍ തുടര്‍വിദ്യാ കേന്ദ്രത്തിന്റെ നേതൃത്വത്തില്‍ അക്ഷരദീപം തെളിയിക്കലും സാക്ഷരതാ പഠിതാക്കളുടെ സംഗമവും നടന്നു.
സംഗമം പഞ്ചായത്ത് പ്രസിഡന്റ് സി.പി ഷാജി ഉദ്ഘാടനം ചെയ്തു. വികസന സ്ഥിരംസമിതി അധ്യക്ഷന്‍ എം.ടി. ബഷീര്‍ അധ്യക്ഷനായി.
മുതിര്‍ന്ന പത്താം തരം പഠിതാവ് തോട്ടത്തില്‍ സൈതലവിഹാജി അക്ഷരദീപം തെളിയിച്ചു. സാക്ഷരത റിസോഴ്‌സ്‌പെഴ്‌സന്‍ പി.പി. അബ്ദുല്‍ നാസര്‍ മാസ്റ്റര്‍ വിഷയാവതരണം നടത്തി.