തൃക്കരിപ്പൂര്‍: ഇന്നുമുതല്‍ നാലു ദിവസങ്ങളിലായി നടക്കുന്ന മുനവ്വിര്‍ വിദ്യാഭ്യാസ സമുച്ചയ ഉദ്ഘാടനത്തിന്റെ പ്രാരംഭ സമ്മേളനത്തിന് ഇന്ന് തുടക്കം. ഇന്നു വൈകിട്ട് മൂന്നിനു ബീരിച്ചേരി മഹല്ല് ഖത്തീബിന്റെ നേതൃത്വത്തില്‍ ബീരിച്ചേരി മഖാം സിയാറത്തോടു കൂടി സമ്മേളനത്തിന് തുടക്കം കുറിക്കും. നാലിനു ബീരിച്ചേരി ജുമാമസ്ജിദില്‍ നിന്നു വിളംബര ജാഥ ആരംഭിക്കും. 5.30നു സ്വാഗതസംഘം ചെയര്‍മാന്‍ ടി.പി കുഞ്ഞബ്ദുല്ല ഹാജി പതാക ഉയര്‍ത്തും. ഏഴിനു പാണക്കാട് സയ്യിദ് സ്വാദിഖലി ശിഹാബ് തങ്ങള്‍ പ്രാരംഭ സമ്മേളനം ഉദ്ഘാടനം ചെയ്യും. വര്‍ക്കിങ് ചെയര്‍മാന്‍ വി.പി.പി അബ്ദുറഹീം ഹാജി അധ്യക്ഷനാകും. അബ്ദുസമദ് പൂക്കോട്ടൂര്‍ മുഖ്യപ്രഭാഷണം നടത്തും. തുടര്‍ന്ന് ചെറുവാളൂര്‍ ഹൈദ്രോസ് മുസ്്‌ലിയാരുടെ നേതൃത്വത്തില്‍ മജ്‌ലിസുന്നൂറും കൂട്ടുപ്രാര്‍ഥനയും നടക്കും.