കുമ്പള: വീടിനടുത്ത കുറ്റിക്കാട്ടില്‍ സൂക്ഷിച്ച വിദേശമദ്യവുമായി ഒരാളെ എക്‌സൈസ് സംഘം അറസ്റ്റ് ചെയ്തു. രണ്ടു ചാക്കുകളിലായി സൂക്ഷിച്ച 280 കുപ്പി വിദേശ മദ്യം സൂക്ഷിച്ച മീഞ്ച മിയാപദവിലെ സഞ്ജീവ് (46) ആണ് പിടിയിലായത്. കുമ്പള എക്‌സൈസ് റെയ്ഞ്ച് ഇന്‍സ്‌പെക്ടര്‍ എം ജയകുമാര്‍, അസി. ഇന്‍സ്‌പെക്ടര്‍ എം രവീന്ദ്രന്‍ എന്നിവരുടെ നേതൃത്വത്തിലാണ് മദ്യം കണ്ടെത്തി പ്രതിയെ പിടികൂടിയത്.
കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.