കൊളത്തൂര്‍: അനധികൃതമായി പുഴ മണല്‍ കടത്താനുപയോഗിച്ച മൂന്ന് മണല്‍ തോണികള്‍ കൊളത്തൂര്‍ പൊലിസ് പിടികൂടി നശിപ്പിച്ചു. കുന്തിപ്പുഴയോരത്തെ ചെമ്മല കൊള്ളിതോട് കടവില്‍ നടത്തിയ പരിശോധനയില്‍ കടവുകളില്‍ അനധികൃതമായി സൂക്ഷിച്ചിരുന്ന പത്ത് ലോഡോളം വരുന്ന മണല്‍ പുഴയിലേക്ക് തിരിച്ച് നിക്ഷേപിക്കുകയും ചെയ്തു. പിടിച്ചെടുത്ത തോണികള്‍ മണ്ണുമാന്തിയന്ത്രം ഉപയോഗിച്ച് നശിപ്പിച്ചു.
കൊളത്തൂര്‍ എസ്.ഐ സി.കെ നൗഷാദ്, എ.എസ്.ഐ രാമകൃഷ്ണന്‍, സി.പി.ഒമാരായ സുബ്രഹ്മണ്യന്‍, പ്രവീണ്‍, ടി.സി സുരേഷ്, രജീഷ്, ക്ലിന്റ്, മനോജ്, രാജേഷ് എന്നിവരാണ് സംഘത്തിലുണ്ട@ായിരുന്നത്. അനധികൃത മണല്‍ കടത്തിനെതിരെ തുടര്‍ന്നും കര്‍ശന നടപടികള്‍ സ്വീകരിക്കുമെന്നും പൊലിസ് അറിയിച്ചു.