കോഴിക്കോട്: സംസ്ഥാനത്തെ സംരക്ഷിത അധ്യാപകരുടെ ശമ്പളം തടഞ്ഞ സര്‍ക്കാര്‍ നടപടി പ്രതിഷേധാര്‍ഹമാണെന്ന് കെ.എസ്.ടി.യു. സംസ്ഥാന കമ്മിറ്റി അഭിപ്രായപ്പെട്ടു. സംസ്ഥാനത്തെ എയിഡഡ് വിദ്യാലയങ്ങളില്‍ വര്‍ഷങ്ങളായി ജോലി ചെയ്യുന്ന അധ്യാപകരുടെ ശമ്പളമാണ് തടയപ്പെട്ടിരിക്കുന്നത്. 

തസ്തിക നഷ്ടപ്പെട്ട സംരക്ഷിത അധ്യാപകരെ പുനര്‍വിന്യസിപ്പിക്കണമെന്നും ഈ പ്രക്രിയ മേയ് 10നകം പൂര്‍ത്തിയാക്കണമെന്നും പൊതുവിദ്യാഭ്യാസ വകുപ്പ് നേരത്തെ ഉത്തരവിറക്കിയതാണ്. ഈ ഉത്തരവ് നിലനില്‍ക്കേയാണ് അധ്യാപകരുടെ ശമ്പളം തടയാന്‍ സര്‍ക്കാര്‍ തീരുമാനമെടുത്തത്.
ഇടതു സര്‍ക്കാര്‍ അധ്യാപക ദ്രോഹനടപടികള്‍ ആരംഭിച്ചുവെന്നതിന്റെ ഉദാഹരമാണിതെന്നും പ്രസിഡന്റ് സി.പി. ചെറിയ മുഹമ്മദും ജനറല്‍ സെക്രട്ടറി എ.കെ. സൈനുദ്ദീനും പറഞ്ഞു. വിദ്യാഭ്യാസ മേഖലയിലെ പ്രധാന പ്രശ്‌നങ്ങള്‍ ഉന്നയിച്ച് കെ.എസ്.ടി.യു. 21ന് അവകാശ ദിനം ആചരിക്കുമെന്നും നേതാക്കള്‍ അറിയിച്ചു.