ന്യൂഡല്‍ഹി: ഉപഗ്രഹവേധ മിസൈല്‍ പരീക്ഷണത്തിനു ശേഷമുള്ള പ്രധാനമന്ത്രി നരേന്ദ്ര മോദിയുടെ പ്രസംഗം പെരുമാറ്റച്ചട്ടലംഘനമല്ലെന്ന് തെരഞ്ഞെടുപ്പ് കമ്മിഷന്‍. തെരഞ്ഞെടുപ്പ് പ്രഖ്യാപിച്ചതിനു ശേഷമുള്ള ഔദ്യോഗിക മാധ്യമങ്ങളെ ദുരുപയോഗം ചെയ്‌തെന്നുള്ള ഗണത്തില്‍ പ്രസംഗത്തെ പരിഗണിക്കാനാവില്ല.

എ.എന്‍.ഐ നല്‍കിയ വാര്‍ത്ത പ്രക്ഷേപണം ചെയ്യുക മാത്രമാണ് ദൂരദര്‍ശന്‍ ചെയ്തതെന്ന് വ്യക്തമാണ്. ദൂരദര്‍ശന്‍ സംപ്രേക്ഷണം ചെയ്തതിനെ പ്രചരിപ്പിക്കുകയാണ് ആള്‍ ഇന്ത്യ റേഡിയോ ചെയ്തതെന്നും കമ്മിഷന്‍ പറഞ്ഞു.
മോദിയുടെ പ്രസംഗം പെരുമാറ്റച്ചട്ട ലംഘനമാണെന്ന് ആരോപിച്ച് നേരത്തെ പ്രതിപക്ഷ പാര്‍ട്ടികള്‍ രംഗത്തെത്തിയിരുന്നു.