ന്യൂഡല്‍ഹി: മുഖ്യമന്ത്രി പിണറായി വിജയനും ഡല്‍ഹി മുഖ്യമന്ത്രി അരവിന്ദ് കെജ്‌രിവാളും കേരളാ ഹൗസില്‍ കൂടിക്കാഴ്ച നടത്തി. ഇന്നലെ രാവിലെ എട്ടരക്ക് കേരള ഹൗസിലെത്തിയ കെജ്‌രിവാള്‍ അര മണിക്കൂര്‍ നേരം പിണറായിയുമായി ചര്‍ച്ച നടത്തി. ദേശീയ തലത്തില്‍ ബി.ജെ.പി വിരുദ്ധ സഖ്യത്തിന് നിതീഷ് കുമാര്‍ അടക്കമുള്ളവരുടെ നേൃത്വത്തില്‍ തുടക്കംകുറിക്കുന്നതിനിടയിലാണ് ഇരു മുഖ്യമന്ത്രിമാരും കൂടിക്കാഴ്ച നടത്തിയത്. ബി.ജെ.പിയെ തടയാന്‍ കോണ്‍ഗ്രസുമായി യോജിച്ച് പോകാന്‍ കഴിയില്ലെന്ന് ചര്‍ച്ചക്കുശേഷം പിണറായി പറഞ്ഞു.