തൊടുപുഴ: കെ.എസ്.യു സംസ്ഥാന കമ്മിറ്റി നേതൃത്വത്തില്‍ സെക്രട്ടറിയേറ്റിലേക്ക് നടത്തിയ മാര്‍ച്ചിനു നേരയുണ്ടായ പൊലിസ് അതിക്രമത്തില്‍ പ്രതിഷേധിച്ച് കെ.എസ്.യു നേതൃത്വത്തില്‍ ഇടുക്കി ജില്ലയില്‍ വിദ്യാഭ്യാസ ബന്ദ് നടത്തി. ജില്ലയുടെ എല്ലാ മേഖലകളിലും പഠിപ്പ് മുടക്കിയ വിദ്യാര്‍ത്ഥികള്‍ പ്രകടനം നടത്തി.
തൊടുപുഴയില്‍ പഠിപ്പ് മുടക്കിയ വിദ്യാര്‍ഥികള്‍ ഡി.ഡി.ഇ ഓഫീസിലേക്ക് മാര്‍ച്ച് നടത്തി. പൊലിസ് മാര്‍ച്ച് തടഞ്ഞത് സംഘര്‍ഷത്തിനിടയാക്കി.
മാര്‍ച്ചിന് കെ.എസ്.യു ജില്ലാ പ്രസിഡന്റ് ടോണി തോമസ് , സംസ്ഥാന ഭാരവാഹികളായ ജോബി ജോയി, മാത്യു കെ ജോണ്‍, മുനീര്‍ സി എം, ജില്ലാ വൈസ് പ്രസിഡന്റ് ജെസ്സണ്‍ സണ്ണി, അസ്‌ലം ഓലിക്കന്‍, വിഷ്ണു ദേവ് ,ഫസല്‍ സുലൈമാന്‍, ബിലാല്‍ സമദ് ,ടിബിന്‍ നടക്കന്‍ ,അബ്ദുള്ള എന്നിവര്‍ നേതൃത്വം നല്കി. സ്വാശ്രയ വിഷയങ്ങളുടെ പേര് പറഞ്ഞ് അധികാരത്തില്‍ വന്ന പിണറായി സര്‍ക്കാര്‍ സ്വാശ്രയ മുതലാളിമാര്‍ക്ക് വിടുപണി ചെയ്യുകയാണെന്ന് ജില്ലാ പ്രസിഡന്റ് ടോണി തോമസ് പറഞ്ഞു.