വണ്ടിപ്പെരിയാര്‍: എറണാകുളം മഹാരാജാസ് കോളജില്‍ എസ്എഫ്‌ഐ നേതാവ് അഭിമന്യു കൊല്ലപ്പെട്ടതില്‍ പ്രതിഷേധിച്ച് വണ്ടിപ്പെരിയാറില്‍ സിപിഎം പ്രവര്‍ത്തകര്‍ നടത്തിയ പ്രകടനത്തിനിടെയുണ്ടായ സംഘര്‍ഷവുമായി ബന്ധപ്പെട്ട് നാല് എസ്ഡിപിഐ പ്രവര്‍ത്തകരെ വണ്ടിപ്പെരിയാര്‍ പൊലിസ് കസ്റ്റഡിയിലെടുത്തു. കരുതല്‍ തടങ്കല്‍ എന്നാണ് പൊലിസ് അറിയിച്ചത്. ഷമീര്‍ (31), നിസാമുദീന്‍ (27), ഫൈസല്‍ അഫ്‌സല്‍(31), സാദിക് (34) എന്നിവരെയാണ് അറസ്റ്റുചെയ്തത്. വണ്ടിപ്പെരിയാര്‍ എസ്‌ഐ ബജിത്ത് ലാലിന്റെ നേതൃത്വത്തിലാണ് ഇവരെ കസ്റ്റഡിയിലെടുത്തത്.