കല്‍പറ്റ: കല്‍പറ്റ ബ്ലോക്ക് പഞ്ചായത്ത് 2016-17 ജനകീയസൂത്രണ പദ്ധതിയില്‍ ഉള്‍പ്പെടുത്തി നടപ്പിലാക്കിയ കാര്‍ഷികോപകരണം എന്ന പദ്ധതി പ്രകാരം കര്‍ഷക സമിതികള്‍ക്ക് കാര്‍ഷികോപകരണങ്ങള്‍ വിതരണം ചെയ്തു.
കാടുവെട്ടി, തെങ്ങുകയറ്റ യന്ത്രം സ്‌പ്രേയര്‍, കൊയ്ത്തുമെതിയെന്ത്രം, പവര്‍ ടില്ലര്‍ എന്നിവയാണ് കര്‍ഷക ഗ്രൂപ്പുകള്‍ക്ക് 75 ശതമാനം സബ്‌സിഡിയല്‍ നല്‍കിയത്. ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍ ഉദ്ഘാടനം ചെയ്തു.
ബ്ലോക്ക് വൈസ് പ്രസിഡന്റ് കെ.കെ ഹനീഫ അധ്യക്ഷനായി. കൃഷി അസി. ഡയറക്ടര്‍ വി.റ്റി സുലോചന പദ്ധതി വിശദീകരിച്ചു. വികസന കാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഉഷാ തമ്പി, ജിന്‍സി സണ്ണി, എം സെയ്ത്, അയ്യപ്പന്‍ ബിന്ദു പ്രതാപന്‍, റോഷ്‌ന ജോസഫ്, കൊച്ചുറാണി, കാര്‍ഷിക കര്‍മ്മസേന പ്രസിഡന്റ് ഫ്രാന്‍സിസ് മാങ്കുത്തേല്‍ എന്നിവര്‍ സംസാരിച്ചു.