കടുത്തുരുത്തി: വില്‍പ്പനക്കായ് എത്തിക്കുന്ന മത്സ്യത്തില്‍ വിഷാംശമുണ്ടോയെന്ന് പരിശോധിച്ചു വാങ്ങുവാനുള്ള സംവിധാനം ഏര്‍പ്പെടുത്തി വ്യാപാര സ്ഥാപനം മാതൃകയായി.
കടുത്തുരുത്തി മുട്ടുച്ചിറയില്‍ പ്രവര്‍ത്തിക്കുന്ന സമുദ്ര ഫിഷ് മാര്‍ട്ടില്‍ ആണ് സംവിധാനം ഏര്‍പ്പെടുത്തിയത്.ഉപഭോക്താക്കള്‍ക്ക് മത്സ്യത്തില്‍ അമോണിയ ഉള്‍പ്പെടെയുള്ള രാസവസ്തുക്കള്‍ ചേര്‍ത്തിട്ടുണ്ടോ എന്ന് പരിശോധിക്കുവാനുള്ള പേപ്പര്‍ സ്‌ളിപ്പുകളാണ് ഇവിടെ ലഭ്യമാകുന്നത്.
സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് ഫിഷറീസ് ടെക്‌നോളജി (ഡിഐ എഫ്ടി ) യില്‍ നിന്നു മാണ് കടയുടമയായ ബിജു പോള്‍, മാര്‍ട്ടിന്‍ ജോര്‍ജ്ജ് എനവര്‍ ഈ സംവിധാനം കടയില്‍ ലഭ്യമാക്കിയത്.ചെക്ക് ഇന്‍ ഈറ്റ് എന്ന പേരില്‍ പുറത്തിറക്കിയ കിറ്റില്‍ 12 പേപ്പര്‍ സ്‌ളിപ്പും, രാസ ലായനിയും നിറം മാറുന്നത് ഒത്തു നോക്കാനുള്ള കളര്‍ പാര്‍ട്ടും ലഭ്യമാണ്.ഒരു മാസമാണ് കിറ്റിന്റെ കാലാവധി. കടയില്‍ മത്സ്യം വാങ്ങാനെത്തുന്നവര്‍ക്ക് നേരിട്ട് പരിശോധന നടത്തി ഉറപ്പ് വരുത്തിയ ശേഷം മത്സ്യം വാങ്ങാനുള്ള സൗകര്യമാണ് ഇവിടെ ഒരുക്കിയിട്ടുള്ളത്.
ഇവിടെ ഈ സംവിധാനം ഏര്‍പ്പെടുത്തിയതോടെ ദൂരെ സ്ഥലത്തു നിന്നു പോലും മത്സ്യം വാങ്ങാന്‍ ആളുകള്‍ എത്തുന്നുണ്ടെന്ന് കടയുടമകള്‍ പറഞ്ഞു.