കോഴിക്കോട്: എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആഭിമുഖ്യത്തില്‍ ജൂലൈ 23, 24 തിയതികളില്‍ താനൂര്‍ ഇസ്‌ലാഹുല്‍ ഉലൂം അറബിക് കോളജില്‍ നടക്കുന്ന ഇന്റര്‍കോണിന്റെ ഫണ്ട് പാണക്കാട് സയ്യിദ് ഹൈദരലി ശിഹാബ് തങ്ങള്‍ വ്യവസായ പ്രമുഖന്‍ തച്ചന്‍കുന്നന്‍ മൊയ്തീന്‍കുട്ടിയില്‍ നിന്ന് തുക സ്വീകരിച്ച് ഉദ്ഘാടനം ചെയ്തു.
ചടങ്ങില്‍ ജനറല്‍ സെക്രട്ടറി സത്താര്‍ പന്തലൂര്‍, വര്‍ക്കിങ് സെക്രട്ടറി റശീദ് ഫൈസി വെള്ളായിക്കോട്, അബ്ദുറഹീം ചുഴലി, പി.എം റഫീഖ് അഹ്മദ്, വി.കെ ഹാറൂന്‍ റശീദ്, അഹ്മദ് ഫൈസി കക്കാട്, സയ്യിദ് ഫഖ്‌റുദ്ദീന്‍ തങ്ങള്‍, ശഹീര്‍ അന്‍വരി പുറങ്ങ്, കെ. അബ്ദുള്ള, എം. അന്‍വര്‍ ഹുദവി തുടങ്ങിയവര്‍ സംബന്ധിച്ചു.
23ന് വൈകിട്ട് നാലിന് ആരംഭിച്ച് 24ന് വൈകിട്ട് നാല് വരെ നടക്കുന്ന പരിപാടിയില്‍ സംസ്ഥാനത്തിന്റെ വിവിധ ഭാഗങ്ങളില്‍ നിന്ന് തെരഞ്ഞടുക്കപ്പെട്ട പ്രതിനിധികളാണ് പങ്കെടുക്കുക. ജില്ലാ പ്രസിഡന്റ്, ജനറല്‍ സെക്രട്ടറി, വര്‍ക്കിങ് സെക്രട്ടറി, ട്രഷറര്‍, മേഖല പ്രസിഡന്റ് ജനറല്‍ സെക്രട്ടറിമാര്‍ എന്നിവരാണ് സംബന്ധിക്കുക.