മുട്ടില്‍: വയനാട് മുസ്‌ലിം ഓര്‍ഫനേജ് പതിമൂന്നാമത് സ്ത്രീധന രഹിത വിവാഹസംഗമം മെയ് ഒന്നിന് യതീംഖാന അങ്കണത്തില്‍ നടക്കും. ഉച്ചക്ക് 12ന് നടക്കുന്ന മുസ്‌ലിം വധൂവരന്മാരുടെ നിക്കാഹിന് പാണക്കാട് സയ്യിദ് സ്വാദിഖലി ശിഹാബ് തങ്ങള്‍ കാര്‍മികത്വം വഹിക്കും.
രാവിലെ ഒന്‍പതിന് ശേഷമുള്ള ശുഭമുഹൂര്‍ത്തത്തില്‍ ഹൈന്ദവ സഹോദരിമാരുടെ വിവാഹം ഡബ്ല്യു.എം.ഒ ജിദ്ദ ഹോസ്റ്റലില്‍ പ്രത്യേകം സജ്ജമാക്കിയ കതിര്‍മണ്ഡപത്തില്‍ നടക്കും. വര്‍ക്കല ഗുരുകുലം ആശ്രമത്തിലെ ഡോ. തന്മയ സ്വാമി മുഖ്യാതിഥിയായി പങ്കെടുക്കും. ചടങ്ങില്‍ സമസ്ത ജനറല്‍ സെക്രട്ടറി പ്രൊഫ. ആലിക്കുട്ടി മുസ്‌ലിയാര്‍, വാവാട് കുഞ്ഞിക്കോയ മുസ്‌ലിയാര്‍, കെ.ടി ഹംസ മുസ്‌ലിയാര്‍, പി.കെ കുഞ്ഞാലിക്കുട്ടി എം.പി, എം.ഐ ഷാനവാസ് എം.പി, എം.എല്‍.എമാരായ സി.കെ.ശശീന്ദ്രന്‍, ഐ.സി ബാലകൃഷ്ണന്‍, ഒ.ആര്‍ കേളു,
കെ.എം ഷാജി, സി. മമ്മൂട്ടി തുടങ്ങിയവര്‍ സംബന്ധിക്കും. വധുവിന് അഞ്ചുപവനും വരന് ഒരുപവനും സമ്മാനമായി നല്‍കും. വിവാഹ വസ്ത്രവും സദ്യയുമുണ്ടാകും.