റിയാദ്: സഊദിയിൽ ഇന്ന് മാത്രം അയ്യായിരത്തിനടുത്ത് പുതിയ വൈറസ് ബാധ സ്ഥിരീകരിച്ചു. 39 മരണവും റിപ്പോർട്ട് ചെയ്‌തിട്ടുണ്ട്‌. കഴിഞ്ഞ 24 മണിക്കൂറിനിടെ  4919 പേർക്ക് പുതുതായി വൈറസ് ബാധ സ്ഥിരീകരിച്ചതായി സഊദി ആരോഗ്യ മന്ത്രാലയം അറിയിച്ചു.

#الصحة⁩ تعلن عن تسجيل (4919) حالة إصابة جديدة بفيروس ⁧#كورونا⁩ الجديد (كوفيد19)، وتسجيل (39) حالات وفيات رحمهم الله، وتسجيل (2122) حالة تعافي ليصبح إجمالي عدد الحالات المتعافية (91,662) حالة ولله الحمد. pic.twitter.com/34BOCzjukn

— و ز ا ر ة ا لـ صـ حـ ة السعودية (@SaudiMOH) June 17, 2020

ഇന്ന് 2122 രോഗികളാണ് രോഗ മുക്തി നേടിയത്. 

    നിലവിൽ 1,859 രോഗികൾ അതീവ ഗുരുതരാവസ്ഥയിലുമാണ്. രാജ്യത്തെ ഏറ്റവും ഉയർന്ന വൈറസ് ബാധയാണ് ഇന്ന് റിപ്പോർട്ട് ചെയ്യപ്പെട്ടത്. ഇതിൽ 2371 വൈറസ് ബാധിതരും റിയാദിലാണ്.

   ഇതോടെ രാജ്യത്തെ വൈറസ് ബാധയേറ്റുള്ള മരണം 1091 ആയും വൈറസ് ബാധിതർ 141,234 ആയും ഉയർന്നിട്ടുണ്ട്. ഇന്ന് 2122 രോഗികൾ രോഗ മുക്തി നേടിയതോടെ രാജ്യത്തെ ആകെ രോഗ മുക്തി നേടിയവരുടെ എണ്ണം 91,662 ആയും ഉയർന്നു. 

     ഏറ്റവും കൂടുതൽ വൈറസ് ബാധിതർ നിലവിൽ തലസ്ഥാന നഗരിയായ റിയാദിലാണ്.റിയാദിൽ മാത്രം 39,616 വൈറസ് കേസുകളാണ് ഇത് വരെ സ്ഥിരീകരിച്ചത്. ഇവരിൽ 22,377രോഗികൾ രോഗ മുക്തി നേടുകയും 119 രോഗികൾ മരണത്തിനു കീഴടങ്ങുകയും ചെയ്‌തിട്ടുണ്ട്. ബാക്കിയുള്ള 17,120 ഇവിടെ ചികിത്സയിലാണ്. ജിദ്ദയിൽ 5,653, മക്ക 4,775, ദമാം 2,881, ഹുഫൂഫ് 1,962, മദീന 1,670, ഖോബാർ 1,661, ഖത്വീഫ് 1,601ത്വായിഫ് 796,, ജുബൈൽ 708, ദഹ്‌റാൻ 699, മുബാറസ് 577, ഖമീസ് മുശൈത് 575, ദിരിയ 495, ബുറൈദ 457, അബഹ 411, അൽ ഖർജ് 393, സ്വഫ്‌വ 366, ഹഫർ അൽ ബാത്വിൻ 327, മുസാഹ്മിയ 292, വാദി അൽ ദവാസിർ 290, നജ്‌റാൻ 232, റാസ്‌ തന്നൂറ 201, ഹായിൽ 199, യാമ്പു 187, ഹോത്താ ബനീ തമീം 162, ഉയൂൺ 147, ബീഷ 119, ജസാൻ 116, ഉനൈസ 114, അൽ ജഫർ 114, അഹദ് റിഫൈദ 112, തബൂക് 112, ഹുറൈമില 106, റസ് 103 എന്നിങ്ങനെയാണ് നിലവിൽ ആക്റ്റിവ് കേസുകളുടെ എണ്ണം. കൂടാതെ നിരവധി സ്ഥലങ്ങളിൽ നൂറിൽ താഴെ വൈറസ് കേസുകളും നില നിൽക്കുന്നുണ്ട്.